మీ కంప్యూటర్లోని ప్రోససర్, రాం, హార్డ్ డిస్క్ యొక్క వివరాలు తెలుసుకోవాలనుకుంటున్నారా?

చాలామంది కంప్యూటర్ వినియోగదారులకు తమ కంప్యూటర్లో ఏ విధమైన పరికరాలు ఉన్నాయన్నది కనీస అవగాహణ కలిగి ఉండరు. అయితే కంప్యూటర్ ఉపయోగించే ప్రతీ ఒక్కరూ తమ కంప్యూటర్ కెపాసిటి తెలుసుకోవాలి. ముఖ్యంగా ప్రోససర్, రాం, హార్డ్ డిస్క్ వివరాలు అయినా తెలుసుకోవాలి. ఎందుకంటే కంప్యూటర్ యొక్క పనితీరు ముఖ్యంగా ఈ మూడు భాగాలపైనే ఆధారపడిఉంటుంది. ప్రోససర్, రాం వివరాలు తెలుసుకోవాలంటే మై కంప్యూటర్ పై మౌస్ తో రైట్ క్లిక్ చేసిగాని, కంట్రోల్ పేనల్ లోని సిస్టం పై రైట్ క్లిక్ చేసిగాని చెస్తే వచ్చే డయలాగ్ బాక్స్ లో జనరల్ టేబ్ చూడాలి. హార్డ్ డిస్క్ వివరాలు కావాలంటే మై కంప్యూటర్ పై డబుల్ క్లిక్ చేస్తే వచ్చే విండోలో హార్డ్ డిస్క్ ఐకాన్లు ఎన్ని వున్నాయో చూసి వాటిపై రైట్ క్లిక్ చేస్తే డయలాగ్ బాక్స్ లో చూస్తే తెలుస్తుంది.

1600 వంటి సెల్ ఫోన్స్ లోనికి వాల్ పేపర్స్ కంప్యూటర్ ద్వారా ఎక్కించుకోవాలని అనుకుంటున్నారా?

ప్రస్తుత కాలం లో ఎక్కువ మంది నోకియా కంపెనీకి చెందిన 1600 వంటి మోడల్స్ ఎక్కువగా ఉపయోగిస్తున్నారు. అయితే చాలామందికి 1600 వంటి సెల్ ఫోన్స్ లోనికి వాల్ పేపర్స్ కంప్యూటర్ ద్వారా ఎక్కించుకోవాలని అనుకుంటారు. కాని ఆ మోడల్ సెల్ లోనికి వాల్ పేపర్స్ ఎక్కించుకోలేమేమోనని అలాగే ఉపయోగిస్తూ ఉంటారు. అయితే ఇటువంటి సెల్స్ లోనికి కూడా వాల్ పేపర్స్, రింగ్ టోన్స్ వంటివి లోడ్ చేయవచ్చు. దానికి మన దగ్గర సి.ఎ-45 వైరు, మరియు లోగో మేనేజర్ కంపెనీకి సంబంధించిన మోబి ఎఫ్ ఎక్స్ అనే సాఫ్ట్ వేర్ ఉండలి. దానిని ఈ క్రింది చిరునామా నుండి దిగుమతి చేసుకోవచ్చు.

http://www.logomanager.co.uk/

మీ కంప్యూటర్ పనితీరు చాలా నెమ్మదిగా ఉందా?

చాలామంది తమ కంప్యూటర్ చాలా పాతది అని, వేగముగా పని చేయలేక పోతున్నామని బాధ పడుతుంటారు. అలాగే కొత్త తరం కంప్యూటర్లు కొన్నవారు కూడా తమ కంప్యూటర్ సరి అయిన వేగంతో పని చేయడం లేదు అని అనుకుంటారు. అలాంటి వారికోసం స్పీడ్ గేర్ అనే సాఫ్ట్ వేర్ ఒకటి వుంది. ప్రయత్నించి చూడండి.
web address: http://www.softcows.com/
ఈ సాఫ్ట్ వేర్ ని కంప్యూటర్లో ఇన్ స్టాల్ చేసి స్లైడర్ను ఫాస్ట్ కు లాగి అప్లై చేసి చూడండి.